Shadow

P150M nga budget sa renovation sang mga merkado aprubado sang DBM

Kulang ang pondo sang Bacolod sa pagkaayo kag pagdevelop sang mga merkado sang siudad karon nga may pandemic.

Gani labi ang pagpasalamat ni Mayor Evelio Leonardia matapos gin-aprobahan sang Department of Budget and Management pinaagi kay Budget Secretary Wendel Avisado ang 150 milyones pesos nga pondo para sa pagpasanyug sang tatlo ka mga dalagko nga merkado.

Nalakip diri ang Burgos, Libertad kag Central Market.

Suno kay City Administrator Em Ang, antes pa man sang pandemic ginaplano na sang siudad nga mapainan sang pondo ang pag-repair sang mga city markets.

Gani dako na nga bulig ang dugang nga pondo para sa pagpakaayo sang mga merkado.

Ang Sangguniang Panlungsod ang nagpasar naman sang resolution para sa proyekto nga sarang sugdan sa 2021.

Leave a Reply

Your email address will not be published. Required fields are marked *

Secured By miniOrangeSecured By miniOrange