Ginaklaro sang alkalde sang La Castellana nga ang P10 million pesos nga pondo gikan sa Presidental Assistance Fund ang indi para sa housing assistance sang mga nagub-an balay.
Ginsiling ni Mayor Añejo Nicor nga ang P10 million nga pondo nga gin-release sang Macañang bilang bulig sa halit nga natuga sang bagyo Tino ang wala pa ma tandog, pending sang compliance sa mga requirements.
Paathag niya, sa karon gina hulat pa ang approval sang Sangguniang Bayan para sa ginkasugtan nga gastuhan sang P10 million nga pondo.
Nalakip sa allocation sang P10 million pesos amo ang kagastuhanan sa fuel, cash assistance, food assistance kag ang para sa diversion road.
Ang mga nasakop nga gastuhan sang P10 million pesos nabase suno kay Nicor sa recommendation sang Municipal Disaster Risk Reduction Management Council kag Incident Management Team.
Kag santo man sa proseso, ini ang gin-forward sa Sangguniang Bayan para ma aprobahan, kag ipadala sa Office of the President kag kun may clearance na, amo ang pag gamit sang pondo suno kay Nicor.
Gina klaro man sang alkalde nga ang gina hulat nga P10,000 kag P5,000 nga assistance sang mga nagub-an sang balay ang maga gikan sa DSWD.
Naga hinyo siya sang paghangup sang pumuluyo kag pag palawig sang pasensya.
Ginabuhat ang tanan suno sa iya para maka tibawas ang banwa.*