Ang Secretary mismo sang Budget and Management ang nag pamuno sang symbolic inauguration sang masobra sa 10 million pesos nga project nga maga upgrade kag redevelop sang recreational trail sang Mambukal Resort and Wildlife Sanctuary.
Ini ang ginpatigayon Lunes sang hapon sa Provincial Capitol.
Si Secretary Amenah Pangandaman ang gin-updan nanday Department of Human Settlements and Urban Development – Western Visayas Regional Director Eva Maria Marfil kag Provincial Adminsitrator Rayfrando Diaz nga nag tiglawas kay Governor Eugenio Jose Lacson.
Ang amo nga proyekto ang ginpondohan sa idalom sang Local Government Support Fund – Green Green Green Program.
Ang program ang na disenyo nga mag suporta sang mga beneficiary provinces, cities and municipalities sa pag promote sang green public places kag iban pa gid nga infrastructure projects nga naga hatag ligwa sa wellness kag active mobility.
Ang pag upgrade kag pag redevelop sang trail sa sulod sang Mambukal ang naga tuyo nga mag paayo pa gid sang eksperiensya sang mga naga bisita diri samtang gina pasiguro man ang safety kasubong man sustainability kag environmental education.
Ang proyekto ang magalakip sang improvement sa mga alagyan, installation sang directional, regulatory kag informational signages, pag tuga sang rest areas nga may mga basuranhan kag paglakip man sang educational features nga maga highlight sang mga tanum sa lugar.