Mga 1.2 billion pesos nga 2023 budget sang Bago City ang napasar na. Daku man ang buhin, pasalig sang alkalde nga indi ma apektuhan ang delivery sang basic services.
15 percent ang gin nubo sa ginabaton nga National Tax Allotment sang Bago City para sa 2023 suno kay Mayor Nicholas Yulo.
Mga 250 million pesos suno kay Yulo ang ginbuhin sini sa ila nga budget. Nagakasayuran nga may mga proyekto ukon programa nga ma apektuhan bangud sang budget cut, pero pasalig niya sa mga pumuluyo nga ang delivery sang basic services ang maga padayon.
“In terms of budget dako gid kaayo, but in terms of performance, I don’t think nga indi na maganahan ang aton mga empleyado. There will be certain projects nga indi na naton ma carry, certain programs nga basi instead nga full gid nga budget, ma iban iban na ta, 75 percent”, suno kay Yulo.
Ang Bago City isa sa mga LGU nga termprano pa tigayon nga naka pasar sang ila nga 2023 budget. Bahin naman sa mga national projects kasubong sa mga taytay suno kay Yulo ini ang napatuhoy na niya sa talatapan ni 4th District Representative Juilet Marie Ferrer.
Sa pihak nga bahin indi pa mapat-od sa karon kun pila ang sarang nga mahatag sang bonus sang siudad sa 850 ka mga empleyado sini. Suno kay Yulo, sa nahauna nga semana sang Disyembre pa mahibaluan ang savings sang siudad nga isa man sa mga basehan sa pag pat-od sang iga release nga bonus.
55,000 pesos ang na release nga bonus sang 2021 suno kay Yulo.