P100M nga pondo target nga malab-ot sang siudad sa pagpatuman sang BacCHP sa madasun nga tuig.
Sang nagligad lang nga semana sang gin-aprobahan sang Sangguniang Panlungsod ang Bacolod City Comprehensive Health Program ukon BacCHP ordinance.
Pinaagi diri ang siudad ang maga-allocate sang P80M nga pondo halin sa DSWD-Assistance to Individuals in Crisis Situation para sa health program. May P8M man nga pondo nga magagikan sa talatapan ni Abang Lingkod Representative Stephen Paduano kag dugang nga P2M nga pondo halin sa pondo ni Malasakit Representative Anthony Golez.
Siling ni City Administrator Pacifico Maghari, III, may P100M nga pondo ang tuyo nga malab-ot sang siudad para sa mga BacCHP cardholders.
Sa karon ginabalay na sang siudad ang mga pagsulundan para sa pagpatuman sang programa sa madasun nga tuig.