Ini ang ginpahibalo ni Bacolod City Mayor Greg Gasataya, agud magpangayo sang mas klaro nga detalye parte sa pag-tunga sang bulig.
Suno sa alkalde, luyag niya mahibaluan kun makabaton sang ayuda ang mga nadala sa listahan sang LGU nga 40,000 ang partially damaged kag 4,000 ang totally destroyed nga mga balay bangud sang Bagyo Tino.
Ginklaro ni Gasataya nga base sa impormasyon nga iya nabaton, indi tanan ang may mabaton nga bulig subong, kag ginlantaw niya nga ini mahimo nga isa ka hangkat, bangud ginapaabot nga may yara sang magreklamo.
Dugang pa niya, ang mga indi malab-utan sang ayuda karon, posible nga makabaton sang bulig pag-abot sang early next year.*