Isa na ka concerned citizen ang nahatagan sang P10,000 matapos nga nagpositibo ang nangin report sini angut sa lalaki nga naga-maoy sa banwa sang Toboso sa Negros Occidental.
Bangud sa pag-report sang concerned citizen, gindakup sang kapulisan ang imbulbado nga lalaki bangud sang alarm and scandal.
Gikan ang cash reward sa local government unit sang Toboso.
Ginsiling ni Toboso Councilor Richard Jaojoco, nagatuyo ang cash reward nga makabulig agud matapna ang mga rambol, sumbaganay kag dumugay nga masami nagaluntad kada fiesta ukon dalagko nga mga event, ilabi na sa tion sang kagab-ihon.
Nagsugod ang paghatag sang reward sini nga kapiyestahan sang Hunyo kag nagaplano ang LGU sang Toboso nga himuon ini kada tuig nga fiesta.
Magluwas diri, may yara man sang ginpahamtang ang banwa nga Municipal Peace Action team, nga trained sa basic life support.
Nagpaandam man si Jaojoco nga sila ang magapasaka sang kaso sa mga may plano nga mang-gamo.
Magasaulog ang Toboso sang ila Sag-ahan Festival sini nga Hunyo 11 tubtob 13.
“Lately daw ga-trend na ang amo na sa mga fiesta di sa mga barangay, fiesta sa purok, so kung para ma-prevent kay kadako sang event ta sa fiesta, indi na sila may pasaway kay tuodtuoron gid sila namon ya kag indi lang nga patulugon isa ka gab-i, may atubangon gid sila nga kaso. Imagine, we spend millions para masadya tapos ari lang mga basagulero nga maguba sa aton fiesta”, suno kay Jaojoco.