Ginsuguran na kaina sang siudad ang pag release sang tig-P1000 nga fuel subsidy para sa mga tricycle drivers sang siudad.
25 tanan ka mga drivers halin sa lima ka mga Tricyle Operators and Drivers Association ukon TODA ang nauna nga nakabaton sang ayuda halin sa fuel subsidy program.
Ang 64 anyos nga si Joshua Matabia naga yuhom kay bisan paano may pangdigang siya pambakal sang kinahanglanon sang iya panimalay.
Suno kay Acting Vice Mayor Em Ang, nagligad lang nga tuig sang naaprobahan ang ordinansa nga nagatuyo makabulig sa masobra 5,600 ka mga legitimate tricycle drivers ilabi na karon nga nagasaka ang presyo sang produkto petrolyo kag mga balaklon.