Nakakumpiskar ang katapo sang Criminal Investigation and Detection Group-Negros Island Region sang P1.8 Million nga balor sang smuggled cigarettes sa isa ka subdivision sa Barangay Estefania sa Bacolod City.
Sa operation, nadakpan sang mga operatiba ang duha ka mga persona nga ginkilala kay alyas “Primo”, 38-anyos kag alyas “Mar”, 32-anyos, pareho nga residente sang Brgy. Estefania.
Narekober sa ila ang 46 ka karton sang nanari-sari nga klase sang sigarilyo.
Suno sa report nga nabaton ni Police Major General Robert Morico II, director sang CIDG, nagabaligya ang duha ka mga suspek sang assorted nga sigarilyo bisan wala ini sang graphic health warnings kag tax stamps gikan sa Bureau of Internal Revenue.
Kaso nga paglapas sa Republic Act 10643 ukon ang Graphic Health Warning Law kag R.A. 8424 ukon ang Tax Reform Act of 1997 ang ginpasaka batok sa duha ka mga gindakop.*