Sa nagligad lamang nga semana masobra sa 1.8 million pesos nga balor sang balut gikan sa Luzon ang gin inspect sang Provincial Veterinary Office kag gintugutan ang pagsulod sini sa probinsya.
Sa report ni Dr Renante Decena kay Governor Eugenio Jose Lacson, sa March 17 tubtob April 15, 171,000 ka balut ang ila nga na inspect may angut sa pagpatuman sang pagsulundan sa ban sa poultry kag poultry products nga naga gikan sa mga lugar nga may kaso sang bird flu.
Suno kay Decena sa kabilugan may 15.3 million pesos nga balor na sang balut ang natugutan pasulod sa Negros Occidental.
Samtang, padayon man ang hugot nga pagbantay sa mga puerto kag sa airport angut sa pagpatuman sang pork ban para mapangapina ang probinsya kontra African swine fever.
Humalin Enero tubtob april 15, masobra sa 484,000 ang na confiscate nga mga pork kag pork meat products.