P1.5B nga pondo italana sang siudad sa pagbakal sang duta para sa patyo, sanitary landfill kag iban pa nga proyekto.
Sa P4.5B nga loan agreement nga ginadihon sang siudad upod sa Development Bank of Philippines, kapin sa P1.5B diri ang italana para ibakal sang duta nga sarang gamiton para sa igatukod nga patyo kag sanitary landfill.
Suno kay Councilor Jude Thaddeus Sayson, kapin sa 100 hectare nga duta ang tuyo nga baklon sang siudad para sa patyo, landfill kag iban pa nga proyekto.
Ang Landbanking Committee ang nagabaton na sang mga proposal sa mga luyag magbaligya sang propiedad para sa validation kag appraisal.
Sa karon ginahulat na lamang sang siudad ang approval sang Department of Finance para sa loan agreement para matigayon nga mapondohan ang priority projects sang Benitez Administration.
Nalakip diri ang pagtukod sang Legislative Building, construction sang major markets, computerization kag iban pa nga infra structure projects.