Naglab-ot sa masobra 1.4 milyones pesos nga balor sang shabu ang na recover sang PNP, sa separado nga buy-bust operation saBacolod kag San Carlos City sang Miyerkules.
Naaresto sa buy-bust operation sang City Drug Enforcement Unit sa Purok Sigay, Barangay 2 sa Bacolod ang 21 anyos nga si Jeo Tongoy.
Siya ang gina kabig nga high value individual. Masobra 720,000 pesos nga balor sang suspected shabu ang nakuha sa iya sa buy-bust.
Samtang, 680,000 pesos naman nga balor sang shabu ang na kuha sang PNP sa Barangay 5 sa siudad sang San Carlos.
Dakop sa buy-bust ang 46 anyos nga si Jocelyn Fernandez ngaisa man ka high value individual.
Lunsay detained sa police station ang mga gindakop kag kaso nga pag lapas sa RA 9165 ang gin pasaka na batuk sa ila.