Masobra sa 100,000 ka baboy ang tigayon nga napadala sang Negros Occidental sa Luzon kag iban pa gid nga probinsya sa pungsod sang 2021.
Ini ang pinaka mataas nga shipment nga na-record sang Negros Occidental.
Tuga sang pag igo sang African Swine Fever sa pungsod, ang probinsya ang isa sa mga nangin supplier sang baboy sa mga lugar sa pungsod nga apektado sang ASF.
Humalin Enero tubtob Disyembre sang nagligad nga tuig 101,015 ka mga baboy ang na ship out kag sang bulan sang Disyembre masobra sa 13,700 ang na pa gwa nga baboy, pinakamataas sa record sa mga binulan sang 2021.
Mas istrikto nga inspection kag maid-id nga monitoring batuk sa pagsulod sang ginadumilian nga pork kag pork meat products ang ipatuman para mabalin nga ASF free ang Negros Occidental suno sa Office of the Provincial Veterinarian.
Masobra naman sa 1.4 million pesos ang balor sang na confiscate nga mga pork kag pork meat products. Masobra sa 425,000 nga balor sini ang ginsunog kag masobra naman sa isa ka milyon ka pesos nga balor ang gin ship balik sa ginhalinan sini.