Padayon ang hugot nga pagbantay sang African Swine Fever Task Force sa mga puerto sang Bacolod City kag probinsya sang Negros Occidental.
Sa April 1 to 10 nga report sang ASF Task Force, may 1.2 million pesos nga balor sang mga processed pork ang tigayon nga gin ship back bangud sang kakulang sang document.
Masobra naman sa 100,000 pesos ang balor sang pork kag pork meat products ang gin pang kuimpiska kag gin sunog.
Suno kay Dr Placeda Lemana ang OIC Provincial Veterinarian, padayon ang pag padala sang probinsya sang supply sang baboy sa Luzon kag iban pa gid nga bahin sang pungsod. Naga pabilin nga ASF free ang Negros Occidental.
Pero kun ipaanggid sa nagliligad nga tuig, mas nagnubo sa 2,000 tubtob 3,0000 ang gina pagwa nga baboy sang probinsya subongnga tuig.
Pero paathag ni Lemana, nagnubo man ang shipment, ang sobra diri ang gina convert sa processed meat.
Ini ang nagasabat man sa gina lantaw kakulang sa processed meat ngamahimo ituga sang pag ban sang probinsya sang pagsulod sang processed meat gikan sa Cebu.
“Kun i-compare naton sa previous years kag subong nga year, medyo nag reduce ang ship out ta mga 2,000 to 3,000 a month peroang iban nga products nga wala naton na ship out gina process sang aton nga mga hog raisers kay wala man ta gapasulod sang processed food from Cebu and Iloilo”, suno kay Lemana.