Madayon na ang bulk water project sang Negros Occidental. Ini kasunod sang presentation nga ginpatigayon sang mga consultant kay Negros Occidental Governor Eugenio Jose Lacson kahapon.
Suno kay Provincial Administrator Rayfrando Diaz, 1.2 billion pesos ang project cost kag 100 million pesos naman ang proposed equity sang probinsya, lakip man ang water rights, sa gina paabot joint venture agreement.
Matapos ang feasibility study presentation nga probado sang gobernador, suno kay Diaz ang investors’ forum naman sa bulan sang Hulyo.
Sa karon may apat ka mga kumbuyahan ang nag pabutyag sang interes: ang Abotiz group, Ang Suez, Manila Water kag San Miguel Corporation.
Santo sa timetable ang tanan, suno kay Diaz kag sa Agosto ginapaabot nga masuguran na ang procurement process.
Tuyo sang bulk water project nga mapun-an ang kakulang sang matinlo nga water supply sa probinsya.
Yara na sa mapilian nga partner sa JVA ang pagpili kun diin iga tukod ang bulk water plant – sa Imbang sa Talisay ukon sa Malogo nga nasakpan sang EB Magalona kag Victorias.
Ang Talisay, Silay, EB Magalona, Victorias, Manapla lakip na Bacolod ang tuyo maserbisyuhan sang bulk water project nga gina paabot maga produce sang 31.5 million liters per day.
Sa karon ang BACIWA suno kay Diaz ang wala pa man naka padala sang letter of intent sin isa probinsya.