Si Mayor Albee Benitez ang nagpili sa kay P/Colonel Joeresty Coronica, director sang Iloilo City Police Office (ICPO) nga amo ang maga pungko naman bilang director sang Bacolod City POlice Office sumugod subong nga adlaw.
Suno kay Coronica iya nga tutukan ang mga kaso sang sunod-sunod nga mga shooting incidents sa Bacolod sini nga bulan sang Hulyo kun sa diin may mga nagkalamaty nga mga persona.
Sang Lunes gid lang, ginkilala si Coronica nga “adopted son” sang Iloilo City paagi sa Executive Order No. 106, Series of 2024 nga pirmado ni Mayor Jerry Treñas.
Si Coronica ang nagaisahanon lamang nga nangin ICPO Director nga ginkilala sang Iloilo City nga “adopted son” bilang pagpasidungog sa iya maayo nga sebisyo sa siudad.
Sang nagligad nga semana, gin-relieve si BCPO Director P/Colonel Noel Aliño kag ginsaylo ini bilang director sang Criminal Investigation and Detection Group sa National Capital Region.
Si Coronica ang tumandok sang Bacolod City kag nag serbe man sadto nga commander sang pila ka mga police stations.