P 8 million nga multi-purpose building para sa mga hospital watchers ang plano nga itukod sa sulod sang Corazon Locsin Montelibano Memorial Regional Hospital.
Bisan pa may mga natukod na nga half-way house kag temporary shelter, madamo gihapon sang mga watchers nga nagapabilin sa gwa sang Corazon Locsin Montelibano
Memorial Regional Hospital sa Bacolod. Gani plano ni Representative Greg Gasataya nga magtukod sang multi-purpose building sa sulod mismo sang CLMMRH para
sa mga watcher. Kapin P8 million ang italana nga pondo sang congressional office sa proyekto nga sarang suguran sa madasun nga tuig. Ginsling ni Gasataya nga ang multi-purpose building ang mangin permanente nga tiniran sang mga watchers kag bisan sang ila mga himata nga pasyente sang ospital. May natukod na sadto nga half-way house si Mayor Albee Benitez para sa mga watchers sang ospital. May temporary shelter man nga napatukod ang Barangay 18 sa Cordova Street. Ugaling masami
nagaka-puno ang shelter bangud kadam-an sa mga watcher kag ila pasyente ang sinemana pa nga nagatinir diri antes sang ila gin-talana nga schedule para sa liwat nga pag-pa check-up ukon para sa medical kag surgical operation.