Gina abi-abi sang Progressive Alliance of Capitol Employees ukon PACE ang guidelines nga ginpa gwa bahin sa releasing sang service recognition incentive kag gratuity pay.
Sa Administrative Order nga gin lagdaan ni Presidente Ferdinand Marcos, Jr., gina tugutan ang pag release sang one time service recognition incentive nga 20,000 pesos sa mga government employees.
Gin aprobahan man sang presidente ang one time gratuity pay nga indi maglapaw sa 5,000 pesos sa mga contract of service kag job order workers nga naka serbisyo sa indi mag nubo sa apat ka bulan as of December 15.
Ang SRI kag gratuity pay ang indi dapat pag ihatag antes sang December 15.
Suno kay Ruben Diamante, ang chairperson sang PACE, nagalaum sila nga maximum ang mabaton sang mga empleyado sang kapitolyo probinsyal pero hulaton nila ang announcement sang gobernador bwas nga adlaw.
Kun ipatuman ang maximum nga amount sa tagsa ka incentive sarang makabaton ang tagsa ka government employee sang 55,000 pesos bilang additional bonus sini nga Disyembre – P 30,0000 nga maximum para sa Collective Negotiation Agreement, 20,000 nga maximum sa SRI kag 5,000 sa Productivity Enhancement Incentive.
“Amo ina aton gina ekspektar pero indi kita ka pre-empt sang ihambal sang aton governor. Posible bwas na i-announce. Hulaton naton para mangin opisyal bala, halin gid sa iya”, suno kay Diamante.