Ang Overseas Workers Welfare Administration ang nag hatag sang bulig sa iloy sang mga kabataan nga gin-atake sa ila nga balay sa siudad sang Silay.
Ginpasiguro sang Department of Migrant Workers-OWWA nga sa tunga sang natabo sa mga kabataan sang OFW nga si Ronelyn sadtong Pebrero 7, gilayon ini nga makapauli sa Silay City.
Ang iya nga employer sa Dammam, Saudi Arabia suno sa OWWA ang nag hatag sang ticket sa kay Ronelyn padulong sa Manila.
Ang OWWA na ang nagbulig kay Ronelyn sa iya nga pag pauli sa Negros Occidental.
Bilang isa ka active nga miyembro sang OWWA, tigayon nga na repatriate si Ronelyn kag nahatagan sang financial assistance kag gilayon nga welfare support.
Nagbisita sa ospital ang OWWA sa duha ka mga kabataan ni Ronelyn nga padayon nga ginabulog. Sila ang nag pakig-angut sa medical team para mapasiguro ang padayon nga pagtatap sa ila.
Personal nga nag palab-ot sang ila nga pag pakig-unong kag suporta sang gobyerno kay Ronelyn si Administrator Patricia Yvonne “PY” Caunan. Nagkadto man ini sa haya sang siyam ka tuig nga bata nga nagtaliwan bangud sang insidente, sa ila nga balay.
Ang nahatag nga financial/livelihood assistance sa idalon sang reintegration program ang ginalauman makabulig sa liwat nga pag sugod pangabuhi upod ang iya nga pamilya diri sa pungsod.
Sa pihak nga bahin na turn-over naman sa pamilya ang 60,000 nga personal nga bulig gikan sa isa ka taga Brgy E. Lopez.*
[sibwp_form id=1]