Regional Task Force El Niño sang RDRRMC sa Negros Island Region ang tigayon na nga naporma.
Ini suno kay Office of the Civil Defense NIR Director, Donato Sermeno, III sa ginpatigayon nga inter-agency nga sinapol sadtong Hunyo 9.
Ang OCD ang maga pamuno sini kag co-chair ang Department of Science and Technology suno kay Sermeno.
Nalakip sa katapo sang Task Force ang DILG, DENR, DA, DOH, DEPDev, NIA, DOE field office Visayas, PIA kag iban pa gid nga ahensya nga gina lantaw sang konseho nga importante.
Ang TF ang mga coordinate kag maga oversee sang kahandaan lakip na mag patuman sang mitigation response kag recovery measures angut sa El Niño sa NIR.
Sila man ang maga monitor kag maga assess sang impact sang El Niño sa food security, water resources, agriculture, energy, health, environment, public safety kag iban pa gid nga critical sectors.
Damlag pa nag pa gwa na sang El Niño alert kag posible nga pag lawig sini tubtob sa early part sang 2027.
Ang Negros Island Region base sa resolution ang sarang maka eksperiensya sang epekto sang prolonged dry conditions lakip na pag nubo sang water availability kag kapierdehan sa pananom.
Pero klaro ni Sermeno, kay epekto man sang El Niño ang pag baskog pa gid sang habagat balantayan man ang mabaskog nga ulan kag pag baha.
“Ang forecast sa aton diri indi man gid kita, wala sang drought, dry spell lang. Para sa drought nga i-declare, 3 consecutive months nga no rainfall”, suno kay Sermeno.*
[sibwp_form id=1]