26 million pesos nga balor sang Organic Trading Post, Shared Service Facility kag talatapan para sa TLDC ang gin inagurahan kaina sang aga.
Tinutuyo sang amo nga mga facility nga mapabakod ang bulig nga gina hatag sa mga micro, small and medium entrerprises ukon MSMEs.
Suno kay Negros Occidental Governor Eugenio Jose Lacson, 99.5 percent sang mga negosyo mga MSMEs gani daku ang ila nga papel sa pag sanyog sang ekonomiya, paghatag sang trabaho, kasubong man pagdula sang kapigaduhon.
Ang mga organic farmers sarang man nga maka baligya sang ila nga produkto sa Organic Trading Post.
Paagi sa Technology and Development Training Center sarang mahatagan sang suporta bahin sa product development padulong sa market networking tubtob sa promotion kag exposure sang ila nga mga produkto ang mga MSMEs.
Suno kay Provincial Administrator Rayfrando Diaz, una nga tinutuyo sang probinsya amo ang food security, ika duha, assistance sa mga MSMEs kag ikatlo amo ang target nga pag export sang mga produkto nga maga gikan diri.
Ang mga pagkaon nga ma produce gikan sa shared service facility ang tuyo nga kuhaan sang FDA accreditation suno kay Diaz.
Suno kay Lacson wala pa man sang may gina lantaw nga ma ganar ang probinsya gikan sa sini nga mga facilities sa karon. Gin-una ang lubos nga assistance nga mahatag sa mga MSMEs.