Ordinansa angut sa proper disposal sang patay nga baboy kag istrikto nga border control kontra ASF gin aprobahan sang konseho sang Bacolod.
Ang indi pag cooperate sang mga hog raisers angut sa paghatag sang insakto nga report angut sa sitwasyon sang ila ginasagod nga baboy ilabi na ang paglaton sang African Swine Fever ang may multa nga indi magnubo sa P2,000 tubtob P5,000.
Nakasaad ini sa City Ordinance 952 ukon ang Communicable Diseases Lookout Ordinance: Laban sa Sakit ng Hayop.
Pero luyag pa ini pabaskugon sang konseho sang siudad pinaagi sa naaprobahan nga ordinansa angut sa proper disposal sang patay nga baboy ilabi na karon nga may mga kaso na sang ASF sa Barangay Taculing kag Tangub.
Suno kay Councilor Claudio Puentevella, pamuno sang Committee on Health sang konseho, kinahanglan ang istrikto nga pagbantay batuk sa pagpamilak sang patay nga baboy agud mapangapinan indi lang ang mga hog raisers kundi ilabi na ang ikaayong lawas sang pumuluyo.
Naaprobahan man sa session sang konseho ang pagpatuman sang strict border control agud mapunggan ang paglaton sang ASF.