P4M ang igatalana nga pondo para sa maintenance medicines nga libre nga ipanagtag sang siudad sa mga indigent senior citizens nga may yara sang diabetes kag hypertension.
Ini ang nabase sa gin-aprobahan nga ordinansa sang konseho.
Suno kay Councilor Celia Flor, chairperson sang Committee on Senior Citizens sang konseho, ginasuguran na nila ang verification kag validation sang mga beneficiaries sa mga kabarangayan.
Ang resulta sang medical check-up kag reseta kabahin sa mga requirements para maka avail sang libre nga maintenance medicines ang mga naga edad 60 anyos pasaka.