Aprubado na sa third kag final reading sang Sangguniang Panlungsod sang Bacolod ang ordinansa nga naga-regulate sa pag gamit sang modified ukon magahod nga mufflers sang mga motor vehicles sa syudad.
Ang ordinansa nga gin-author ni Councilor Caesar Distrito kag co-authored ni Councilor Jason Villarosa ang nagadumili sang pag gamit sang altered, open-pipe, straight-pipe, kag iban pa nga magahod nga mufflers.
Sa idalom sang ordinansa, magapatigayon man sang roadside inspection kag noise testing kag pwede man kumpiskahon kag i-impound ang salakyan nga magalapas sa regulasyon.
May exemption man para sa emergency vehicles, factory-standard mufflers, certified compliant aftermarket systems, sports/motor show vehicles, kag motorsiklo nga 400cc pataas.
Ang penalidad naga-range sa ₱1,500–₱3,000 para sa drivers/owners kag ₱2,500–₱10,000 para sa business establishments ukon mekaniko. Ang confiscated items i-dispose matapos ang 30 ka adlaw suno sa COA guidelines.
Ini nga ordinansa nagatuyo protektahan ang katawhayan sang publiko.*
[sibwp_form id=1]