May tubig sa gihapon bisan brownout ang tuyo sang gina duso nga ordinansa sa Bacolod.
Sa tuyo nga indi madula ang supply sang tubig kun mag brownout, isa ka public hearing ang ginpatigayon sang Sangguniang Panlungsod kahapon angut sa proposed ordinance nga maga-require sa water distributors sa Bacolod parehos sang BACIWA-PrimeWater nga magbutang sang generator set sa tanan nila nga deepwells kag pumping stations.
Suno kay Councilor Caesar Distrito, kun maaprubahan ang proposed ordinance, sa sulod sang sisenta ka adlaw dapat magbutang ang water distributor sang gen set sa ila deepwells kag pumping stations nga dapat mangin operational sa sulod sang anum ka bulan.
May multa nga P5,000 sa kada adlaw ang water distributor kun indi ini matuman.
Sa karon masami naga reklamo ang mga konsumedor nga kun wala sang kuryente, wala man sang supply sang tubig nga tuman ka budlay para sa mga pumuluyo.*