Pagligwat sang ordinansa angut sa pagpanagtag sang libre nga school supplies sa Bacolod igaduso sa konseho.
Wala natigayon nga nakapamakal kag nakapanagtag sang libre nga school supplies ang Bacolod LGU sa mga pampubliko nga eskwelahan sa elementary sang nagligad nga school year.
Ini bangud suno kay Councilor Al Victor Espino nga pamuno sang Commitee on Education sang konseho, indi masabat sang gintalana nga P15M nga pondo ang kinahanglan nga supply sang masobra 72,000 ka mga estudyante sa public schools.
Gani sa natalana nga session ginapaabot ang iya igaduso nga amendment sa ordinansa agud mapat-ud ang nagakaangay nga pondo para sa libre nga school supplies.
Ginpahayag ni Espino nga sa karon may P30M na ang gintalana nga budget sang Local School Board agud gamiton sa pagbakal sang libre nga school supplies.
Ginasuguran naman ang bidding process para matigayon ang pagpanagtag sang school supplies sa pagbukas sang ini nga school year.