Shadow

Operation sang BCPO apektado na bangud 85 na ka mga pulis nag positibo sa COVID-19

Nag lab-ot na sa 85 ang COVID-19 cases sa Bacolod City Police Office matapos madugangan sang 10 ka dugang nga kaso subong nga adlaw.

Tatlo ang gikan sa Mobile Patrol Unit, duha sa Police Station 9 kag 10, kag isa naman sa Police Station 3, 8, kag headquarters.

Suno kay Police Lieutenant Liberty Indiape, spokesperson sang BCPO, may kabudlayan na gid man karon sa bahin sa BCPO bangud sa may mga police stations nga madamo sang pulis ang gin quarantine bangud sa pag positibo sa virus.

Ang Police Station 4 ang may 15 tanan ka pulis nga nag positibo sa COVID-19 kag 10 naman ka pulis ang nag positibo sa Police Station 10.

May augmentation naman suno kay Indiape sa sini nga mga police stations para mapadayon lang ang operation.

Paga talakayon man suno kay Indiape sa ila pag sinapol inkaso mag saka pa ang active cases kag kun bala kinahanglan na mag augment sang pulis sa BCPO gikan sa lain nga unit.

Iya man gindugang nga masarangan pa man ini sa karon bangud sa may mga field training police man nga naga assist sa BCPO pero kun mag lab-ot pa sa 100 ang active cases, mahimo kinahanglan na ang augmentation suno kay Indiape.

“Siyempre may kabudlayan gid, kahit paano na apektuhan gid ang atun nga operation.. pero gina augment na sila naton kag padayon ang aton pag monitor sa ila nga mga operations dira kay kung mag alang alang gid, ang headquarters personnel amo man ang naga alalay or naga supervise kag naga augment sang ila mga kinahanglanon.”

Leave a Reply

Your email address will not be published. Required fields are marked *

Secured By miniOrangeSecured By miniOrange