National campaign ang opisyal na nga maga sugod buas nga adlaw, Pebrero 11. Kadungan sini ang pag patuman man sang Commission on Elections sang Operation Baklas.
Ginsiling ni Provincial Elections Supervisor, Ian Lee Ananoria nga buas na magasugod ang kampanya sang mga naga papili senador kag yadtong bilang partylist representative.
Buas man sandig sa mando sang ila nga pamunuan upod sa iban nga mga ahensya sang gobyerno ang tagsa ka election officer ang maga supervise sang pag kakas sang mga tarpaulin kag iban nga ginakabig election materials sang mga naga papili senador kag partylist representative nga wala sa ginakabig designated common poster area.
Ang tagsa ka LGU may gin-identify na nga common poster areas.
Suno kay Ananoria covered sa ila nga operation ang mga public roads kag areas nga may mga naka butang nga mga election materials.
Wala nalakip diri ang mga yara sa private properties.
Wala man sang dapat may gina tapik sa mga kahoy.
Pahanumdom man ni Ananoria nga ang mga poster dapat 2 feet by 3 feet kag dapat may naka butang nga paid for kag may ngalan kag address.
Suno kay Ananoria seryoso ang COMELEC sa ila nga kampanya.