Naghinyo sang 15 million pesos nga pondo ang Office of the Provincial Agriculturist para mapahagan-hagan ang epekto sang El Nino phenomenon sa mga pananom.
Suno kay Provincial Agriculturist Edmundo Causing, tuyo sang pondo nga mag bakal sang mga pumps kag engine kasubond man mga binhi nga sarang magamit sang mga mangunguma.
Nalakip sa gina propose nga pondo ang mga traning kag food for work assistance.
Suno kay Governor Eugenio Jose Lacson, ang proposal ukon ang dugang nga pondo nga gina duso sang OPA ang iya pa nga talakayon upod kay Casusing.
Suno sa pamuno sang OPA sa karon wala pa man sila sang may nabaton nga report bahin sa halit sa pananom tuga sang tuman nga tig ilinit.
Pero damlag pa, iya na ginsiling nga may pila na ka mga mangunguma nga may rain-fed nga pananom kasubong sang palay ang wala na nag patigayon sang second cropping bangud sa gina lantaw epekto sang dry spell.
Santo sa direktiba sang Department of Agriculture, may El Nino Task Force na nga gin porma.
Suno kay Causing nagsugod na ang katapo sang TF sang ila nga mga monitoring activities.