Wednesday, November 18

OPA naga laum nga ipatuman sang mga LGU ang floor price para sa baboy

Office of the Provincial Veterinarian sang Negros Occidental ang naga laum nga kuntani ang mga local government units ang maga buylog kag ipatuman ang floor price sa baklanay sang baboy sa probinsya.

Nubo sa karon ang presyo sang live weight sa mga auction market.

Suno kay Dr Placeda Lemana, sa average yara sa P120 tubtob P130 ang live weight sa auction market sa ila nga monitoring pero ini ang pierde sa gihapon bangud paathag niya nagmahal man ang mga inputs sang manug sagod sang baboy kaangay sang feeds, vitamins kag iban pa.

Suno kay Lemana maka bulig kuntani kun ang mga LGU base sa EO nga gin pa gwa ni Governor Lacson ipatuman nila ang floor price para wala na sang iban pa nga kadtuan ang mga traders kag ma pwersa sila nga mag sunod diri para mapangapinan ang hog raisers.

Tuman ka damo sang supply subong suno kay Lemana rason sang pag barato pa gid sang presyo.

Pero may mga hog raisers nga wala na naga padulong sa auction market kag derecho na nga naga deal man sa mga traders rason nga may mga naga siling nga ang traders ang naga dikta sang presyo.

Ang presyo sa mga merkado ang yara gikan sa P250, P280 tubtob P300 depende sa lugar.

“Pierde gid kaayo. So amo na nga supposed to be kun ang tanan nga LGUs nag-implement wala na dalaganan ang trader. Nag-implement sang aton floor price nga gin dihon sa EO, kumbaga province-wide mag isa ang tanan, tani amo na ang presyo nga ma implement. Kaso may LGU may nag implement, may LGU nga wala”, suno kay Lemana.

[sibwp_form id=1]
Secured By miniOrangeSecured By miniOrange