Karon nga amat-amat na mabatyagan ang biti sang init, Office of the Provincial Agriculturist ang naga abiso sa mga mangunguma nga ipasiguro nga may nagakaigo nga tubig ang pananum.
Maayo pa sa karon suno kay Dina Genzola ang OIC-Provincial Agriculturist nga may mga pagtupa pa sang ulan.
Abiso niya, nga mas maayo kun ang mga mangunguma maka butang sang rain harvester ukon rain collector agudto makatipon sang tubig nga sarang magamit enkaso nga mag tagiti ukon mag kinahanglan sang tubig ang mga pananum.
“As much as possible kun may source of water sila, see to it gid nila nga may enough, kay para indi ma dehydrate ang tanom kag indi ma water stress. Amo na siya ang gina advise namon. Kun mag ulan tani may rain harvester sila, rain collector, saludon ang water, kay kun need na, necessary amo na usaron nila ang water, bisan ang mga blue nga drums lang da”, suno kay Genzola.
Ang mga utan, isa sa mga una nga ma apektuhan ukon madali maglayong kun tuman ka init kag wala sang tubig.
Sa karon wala pa man sang reported damage sa mga pananum.
Abiso naman sang Provincial Environment and Natural Resources Officer, nga si Joan Nathaniel Gerangaya, mas maayo nga mag conserve sang tubig kag indi pag uyangan ini.
Wala pa opisyal nga gindeklara sa karon ang pagsugod sang tig-ilinit pero ang pag saka sa temperatura ang amat-amat na nga naga ka batyagan.