Pamuno sang Office of the Provincial Agriculturist ang gina pangayuan sang paathag angut sa mga isa ka million ka pesos nga ginasukot nga balayran sang isa ka catering company.
Suno kay Atty Alberto Nellas, Jr ang Provincial Legal Officer ginpapanaugan sang probinsya sang show cause order si Provincial Agriculturist Atty Japhet Masculino.
Nakabaton sang demand letter ang probinsya gikan sa catering company nga naga sukot para sa serbisyo sini nga natabo sadto pang 2018.
Suno kay Nellas nakahatag naman sang sabat si Masculino pero wala na niya ginpalayag ang kaundan sini.
Sa pagpakig-angut sang Digicast Negros kay Masculino iya ginsiling nga may negotiation pa nga nagakatabo kag indi na siya luyag pa nga maghatag sang dugang nga pahayag.