Arestado ang 33 anyos nga online seller nga si Lyna Mabunay matapos makuhaan sang iligal nga droga sa buybust operation kaina sang kaagahon sa Purok Ylac, Barangay 1.
18 ka sachet sang ginapatihan shabu ang nakuha sa iya nga ginabulubanta naga balor sang malapit 350,000 pesos.
Suno sa City Drug Enforcement Unit, front lang ni Mabunay ang iya sini pag baligya sang mga bag kag beauty products online bangud sa ang iligal nga droga amo gid ang iya nga gina tulod.
Naaresto man sang tuig 2019 suno sa pulis ang iya live in partner kag amo sini sa gihapon ang naga gihu para matagaan sang supply si Mabunay. Kaso nga pag lapas sa RA 9165 ang ipasaka batuk sa iya.