Temporaryo anay nga gin-suspend sang DSWD Field Office 6 ang online registration para sa educational assistance.
Sa announcement sa Facebook page sang DSWD Western Visayas, ila nga ginapahibalo nga temporaryo nga gina untat ang online registration para sa mga applicants sang educational assistance sumugod Setyembre 7.
Paathag sang DSWD ini natungod kinahanglan nga I-proseso ang mga impormasyon sang mga nauna nga naka rehistro.
Abiso sang DSWD nga bantayan ang dugang nga impormasyon sa DSWD Western Visayas Facebook page. Samtang, padayon ang pag panagtag sang educational assistance sa Negros Occidental sin inga Sabado.
Suno kay Merle Garcia ang provincial Social Welfare and Development Officer sang Negros Occidental, 4,536 ang kabilugan nga maga baton sang assistance. 4,133 diri ang mga naka register online kag 403 naman ang mga wala naka claim sang ila nga assistance sang nagligad.