Ang pag-divert sang mga salakyan nga masami nagagutok sa mga major roads pakadto sa mga alternate roads ang isa lang sa mga ginatun-an karon sang Bacolod Traffic Authority Office.
Plano man ni Mayor Albee Benitez ang pagpatuman sang one-way system agud to masolbar ang problema sang trapiko.
Bwas magasapol man ang katapo sang BTAO kaupod ang City Legal Office kag iban pa nga enforcement agencies agud nga matukod ang task force nga magahatag atensyon sa mga illegal structures sa mga dalanon.
Suno kay City Legal Officer Atty. Romeo Carlos Ting, Jr. istoryahan man nila ang pagtalana sang temporaryo nga lugar para sa mga market kag sidewalk vendors nga apektado sang nagapadayon nga pagkaayo sang tatlo ka mga merkado sang siudad.