Duha pa lang ka bulan nga nagtrabaho sa Kuwait ang 30 anyos nga si Honey Edem sang Bago City.
Pero indi niya maagwanta ang pagpanakit sang iya amo. Naagyan niya nga ginhabuy siya sang puluy-an kag ginakastigo samtang naga istorya sa iya iloy sa cellphone.
Gani gilayon siya nga naglayas sa iya gin-ubrahan kag nangayo siya sang bulig paagi sa pag-chat sa Digicast Negros page.
Matapos nga matugyan ang iya sitwasyon sa pamunuan sang Overseas Workers Welfare Administration sa Western Visayas natigayon siya nga naatipan kag nasaylo sa custody sang recruitment agency.
Sa Oktubre 29 ginkalipay ni Honey nga tigayon na siya nga makapauli.Nagalaum man siya nga mabuligan sang local government unit sang Bago City ilabi na nga iya ginapaligban ang iya plete papauli halin sa Manila pabalik sa iya gina-istaran.