Daw wala sa iya kaugalingon ang ini nga OFW samtang naga-video call sa iya mga himata.
Pero makita sa iya mga kamot ang mga labhag kag pilas nga naangkon tuga sang gin-alegar pagmaltrato sang iya amo sa Saudi Arabia.
Sa bulig sang Philippine Embassy natigayon siya nga na-rescue kag karon yara na sa custody sang embahada sa Riyadh.
Suno kay Rizza Moldes, officer in charge sang Overseas Workers Welfare Administration sa Western Visayas, ila na gina-proseso ang pagpauli ni Cabaluna halin sa Riyadh sa Mayo 25.
Nakig-angut man sa OWW si congresswoman-elect Mercedes Alvarez agud makapauli siya sa iya pamilya sa Barangay 5 sa Sipalay City.
Sa pagpang-usisa sang OWWA, ang natungdan nga OFW ang gin-preso sa kwarto kag wala ginapakaon sang iya employer.
Tungod makit-an man nga daw wala sa iya kaugalingon ang OFW, magabulig ang OWWA para mapalab-ot sa iya ang psychological services magluwas sa financial assistance.