Bagyo Tino Recovery Plan sa karon ang isa sa mga ginmando sang Administrator sang Office of the Civil Defense.
Sini lamang nag basita sa Negros si Undersecretary Harold Cabreros sa Negros.
Pila sa iya ginkadtuan amo ang Dumaguete City Bais City kag Canlaon City sa Negros Oriental. Nagbisita man siya sa La Castellana sa Negros Occidental.
Kalakip sa iya nga marching orders suno kay OCD NIR Regional Director, Donato Sermeno, III ang pagsubmit man sang Recovery Plan angut sa pag igo sang Bagyo Tino.
Ang OCD NIR na ang maga pamuno sini, ang kada LGU maga submit man sang sila nga recovery plan kag ang mga national agency ang maga take charge sang post needs assessment suno kay Sermeno.
Sa pihak nga bahin, wala man na specify sa General Appropriations Act ang pondo para sa Kanlaon Recovery Development Plan, pero may napain nga P15.3 billion nga pondo para sa recovery sang mga LGU nga na igo sang kalamidad.
Suno kay Sermeno, ginsiling ni Cabreros nga mangin priority diri ang para sa Kanlaon Recovery and Development.
“Waay specifically gintumod ang Kanlaon Recovery and Development Plan, pero may ginhatag sila nga mga specific allocation for rehab and recovery sang mga LGUs, which according to USec Cabreros tagaan sang priority ang sa Kanlaon”, suno kay Sermeno.*