Office Civil Defense ang nag pa gwa sang pyroclastic density currents ukon PDC alert sa lima ka mga banwa kag siudad.
Nalakip sa gina paandaman ang pila ka mga barang sa La Castellana, Pontevedra, Moises Padilla, La Carlota City kag Bago City. Ang PDC naga tumod sa mainit nga flow sang volcanic ash, gas, kag debris nga tuman ka dasig kag labing makahalalit.
Sa La Castellana siyam ka mga barangay ang nalakip sa PDC hazard, sa Moises Padilla naman, apat ka mga barangay ang nalakip, sa La Carlota naman tatlo kag sa Bago City duha.
Suno sa OCD ini nga mga barangay ang delikado kag maigo sang pyroclastic flow sa tion nga maga lupok ang bulkan Kanlaon.
Gina abisuhan ang publiko nga dapat mangin alerto kag sa tanan nga tion mag halong.
Dapat man nga magsunod sa otoridad labi na nga naga pabilin ang threat sang paglupok sang bulkan Kanlaon.
Nagapabilin suno sa OCD sa alert level 3 ang bulkan kag posible nga sarang ini mapasaka sa Alert Level 4 suno sa Phivolcs.
Sa pihak nga bahin, nagsugod na ang Bago City DRRM sa pag pakaayo sang temporary relocation area kag posible nga mangin tent city sa Barangay Napoles sa Bago City.
Sa phase 1, ginaa lantaw nga ini ang maga hatag sang temporaryo nga ilistaran para sa 23 ka pamilya nga na apektuhan sang bulkan Kanlaon.
Ang temporary nga relocation may yara man sang demo farm kun sa diin mahatagan ang mga internally displaced persons sang mga alternatibo nga palangabuhian.