Siyam ka mga balay sa kilid sang Ibid Creek sa BiaknaBato sa La Castellana ang gina recommend nga permanente iga-relocate.
Ini suno kay Office of the Civil Defense Regional Director Donato Sermeno, III natungod nga sa kada mag-ulan ini sila nga mga balay ang labing apektado sa tubig kag volcanic debris nga naga awas sa Ibid Creek.
Pila sa sini nga mga balay ang ugsaran kag mismo sulod balay ang nag kalatampukan sang volcanic sediments.
Suno kay Semeno sila ang naka pakig-angut sa mga natungdan kag sila ang willing man nga iga – relocate.
Dugang pa ni Sermeno nga ang kadamuon sang mga balay nga apektado ang madugangan pa.
Labing gina bantayan sang otoridad sa karon ang Ibid Creek bangud sa kada pag-ulan may risgo nga gina dala ang pag baha.
Naga pangita na sang iban nga alagyan ang tubig kag mabudlay naman ini nga mapunggan.
Padayon ang clearing operation sa area.
Samtang, nagdangat sa 2.5 million pesos ang inisyal nga kahalitan sa pananum kag sa mga kasapatan tuga sang mabunok nga ulan kag pag baha dala sang Bagyo Opong kag Habagat.
Sa report sang Office of the Provincial Agriculturist as of September 29, P2.4M ang kahalitan sa pananum, P115,000 naman sa fisheries kag sa livestock masobra sa P21,000.
“Nine ni sila ang directly nga ara gid along the creek. Included na sila for relocation. Namangkot man ko sa ila kun willing man sila mag pa relocate, willing man sila nga mag saylo kay waay gid mahimo. In the future siguro i-claim gid na sang tubi ang ila nga area kay naga amat-amat na erode”, suno kay Sermeno.
[sibwp_form id=1]