Gina recommend sang Office of the Civil Defense Negros Island Region ang duha ka mga proposed project sang La Carlota City kag sang Moises Padilla nga malakip sa Kanlaon Recovery and Development Plan.
Sini lamang gin bisita ni OCD NIR Director, Donato Sermeno, III upod ang Regional Task Force Kanlaon (RTFK) Regional Incident Management Team (RIMT), ang mga proposed project sa duha ka banwa kag para man mag patigayon sang inspection.
Suno kay Sermeno sa La Carlota City gina duso ang rehabilitation sang water supply.
Suno kay Sermeno tungod nga apektado ang supply sang tubig humalin sang pag lupok sang bulkan sadtong June 3 kag December 9, 2024 gina duso nga lain na lamang ang kuhaan sang water supply pero sa Brgy Haguimit sa gihapon.
Ini ang naga bili sang 60 million pesos.
Sa Moises Padilla naman, proposed bridge construction ang gina duso patabok sa Barangay Inolingan.
Suno kay Sermeno ini ang maga serbe nga alagyan sang mga pumuluyo sa lugar kun sila ang maga evacuate sa tion nga may disaster nga matabo kaangay na lamang kun mag lupok ang bulkan.
Ini ang naga bili sang 60 – 80 million pesos.
“Kahapon nag send ko nagpadala ko after activity report sa amon central offce, favorably recommending nga ang duha ka proposal i-include na lang sa Kanlaon Recovery and Development Plan naton”, suno kay Sermeno.