96 tanan ang napatay matapos maglaslas sang bagyo Tino sa Negros Island Region.
Ini base sa datus nga ginpa gwa sang Office of the Civil Defense Negros Island Region matapos nga ma reconcile na sang Management of the Dead and Missing cluster ang report sa nautas nga mga kabuhi tuga sang Bagyo Tino.
40 naman ang missing.
Sa final report, ang Moises Padilla ang may pinaka madamo nga na-record nga napatay – 19, Canlaon City – 18, La Castellana – 14, Hinigaran – 10, Isabela – 8, Bago City – 7, Binalbagan – 6, La Carlota City – 4, San Carlos City – 3, Murcia – 2 kag Himamaylan City, Pontevedra, Ilog, San Enrique kag Vallehermoso tig isa.
Sang Nobyembre 16, base sa memorandum sang National Disaster Risk Reduction Managment Council gin-terminate na ang SRR ukon ang Search, Rescue and Retrieval Operation.
Pero may kasugtanan sa NIR nga kun may mga himata pa sang missing nga indi ma kunteto, pwede sa gihapon ma accommodate ang ila nga hinyo, case to case basis na.
Ginsulit naman ni Tourism Secretary Christina Frasco nga yara karon sa Bacolod ang pasalig ni Presidente Ferdinand Marcos, Jr., nga naga upod sila sa kalisod nga na agyan sang probinsya kag maga padayon hatag sang bulig ang national government tubtob nga maka recover ang Negros.*