Nagapangayo karon sang bulig ang pamilya sang 38-anyos nga obrero sa kampo nga napatay matapos ginsungay sang karabaw sa Barangay Quiwi, banwa sang Hinigaran Hwebes sang aga.
Suno kay alyas “Flor”, asawa sang biktima nga si alyas “Naldo”, naga-arado sa kampo ang iya bana upod ang ila toro sang gulpi lang nag-atake ang isa pa gid ka toro nga ginapanag-iyahan sang ila tupad balay.
Gintinguhaan ni “Naldo” nga tabugon ang karabaw apang siya ang ginsungay.
Suno sa tupad balay, nakahigot ang iya toro apang nakabuhi sang makita ang toro sang biktima. Nag-promisa siya nga magabulig sa nalisdan nga pamilya.
Nakaangkon sang mga pilas ang biktima sa nagkalain-lain nga bahin sang iya lawas kag gindeklarar nga dead on arrival sa Hinigaran Medical Clinic.
Nagalibog karon ang ulo sang asawa sang biktima kung paano niya buhion ang apat nila ka mga magagmay nga kabataan bangud sang tuman nga kapigaduhon.
[sibwp_form id=1]