Mga obra sang pito ka mga local playwright magasalida sa Virgin Lab Fest sa Negros Museum.
Ang mga eksena sang stage play sa sulat nga obra ni Rolin Obina sang Bais City sa Negros Oriental ang pila lamang sa mga magasalida sa Virgin Lab Fest sa Negros Museum sumugod karon nga adlaw.
Pito tanan ka mga obra sang local playwright nga gintagaan sang kabuhi sang mga theatre actors kag directors ang napili pinaagi man sa tuigan nga proyekto sang Cultural Center of the Philippines upod sa The Writers Bloc.
Kabahin man sa lamharon nga artists ang production manager nga si Roger Joshua Venzal nga nalipay man sa opportunidad nga mapakita ang iya obra nga gintig-uluhan “Kapoy na ko mangin Superhero”. Suno kay Ariel Yunzon, pamuno sang CCP production and exhibition department, tinutuyo sang nahauna nga VLF-Visayas nga mapuga sa mga local artists ang talento kag ikasarang sa paghimo sang dekalidad nga mga obra.