Katapo sang Office of the Building Official kabahin sa paga-usisaon angut sa pag-operate sang fast food chain nga wala sang permit sa Bacolod.
Ginmanduan na ni Mayor Albee Benitez ang City Legal Office nga magpatuman sang imbestigasyon angut sa pag operate sang isa ka fast food chain nga wala sang building permit kag business permit.
Ginpahayag ni City Legal Officer Karol Joseph Chiu nga kabahin sang ila paga-usisaon ang katapo sang Office of the Building Official.
Luyag mapat-ud sang alkalde kun ngaa nakasugod ang construction kag pagbukas sang fast food chain nga wala sang permit gikan sa OBO.
Nagligad lang nga semana sang boluntaryo nga nagpatuman sang temporary closure ang fast food chain pending sang pagkuha sang permits gikan sa siudad.