Temporaryo nga sirado ang OB kag OR department sang Vicente Gustilo District Hospital sa Escalante City.
Sa announcement sang ospital, indi anay sila magbaton sang pasyente nga manugbata kag maga pa opera.
Suno kay vermont Juvahib ang head sang City Hospital Management Department sang Escalante City may nagbata paagi sa emergency cesarian kag base sa resulta sang swab test ini ang nagpositibo sa Covid-19.
Una gin patigayon ang rapid test kag ini ang negatibo. Pagkatapos magbata gin patigayon ang swab test kag nag positbo sa virus. Ang iloy kag ang lapsag ang gin dala na sa quarantine facility sa Cadiz.
Nagpatigayon na sang disinfection kag gin paidalom sa quarantine kag swab test ang lima nga naga lakip sang duktor kag nurse nga na expose sa pasyente nga nagpositibo sa Covid-19.
Ang temporary lockdown sang OB kag OR department ang nagsugod kahapon nga adlaw. Magapahibalo ang ospital kun san-o liwat magabukas ang amo nga mga departamento.
Magapadayon naman ang out-patient services kasubong man ang pagbaton sang non-Covid cases.
Damlag pa may duha na ka personnel ang ospital nga nagpositibo sa virus.