New People’s Army ang nagpahayag nga wala sang engkwentro sa Himamaylan City, kundi gin patay sang army ang ila upod.
Nagpagwa sang statement kahapon ang NPA angut sa kamatayon sang ila isa ka kaupod sa hublag sa encounter sa Barangay Carabalan sa Himamaylan sang Lunes.
Suno kay Ka Maoche Legislador, Spokesperson sang Apolinario Gatmaitan Command, wala sang natabo nga engkwentro kundi ang army ang nag pakuno kuno NPA kag gin kuha sa ila balay ang 49 anyos nga mangunguma nga si Jose Gonzalez kag ila na lang gin palukpan.
Ila naman karon gin mando sa mga unit sang NPA ang pag patigayon sang opensiba sa pag balos batuk sa tropa sang army. Naga panindugan naman ang army nga isa ka legitimate nga encounter ang natabo bangud ang report gikan man mismo sa mga residente sa lugar. Samtang, nakilal-an na ang isa ka katapo sang NPA nga napatay sa nagluntad nga engkwentro sang Martes sa tunga sang 62nd Infantry Battalion kag sa rebelde nga grupo.
Ang napatay amo si Orlando Fat ukon alyas Banban. Suno sa army, si Fat ang isa ka political instructor sang Central Negros Front 1. Na recover man sa enkwentro ang isa ka 45 caliber pistol, isa ka 40mm grenade launcher, mga bala kag magazine lakip na iban pa nga mga pagkabutang kag dokumento.