Sa isa ka statement gin ako sang Rose Jean Pelle Command sang NPA ang pagpatay sa anay barangay kagawad sang Barangay San Pablo sa banwa sang Manapla nga si alias Pablo.
Suno sa NPA siya ang rason kun ngaa gin raid ang mga kaupdanan nila sa Hacienda Cabayao sa amo nga barangay sadtong Setyembre 2021. Ila gina alegar nga asset sang 79th IB sang Philippine Army ang anay kagawad.
Pero sa isa ka statement gina siling sang army nga indi nila asset ang napatay kag wala na sila naga gamit sang asset.
Wala sang kahialabtanan ang napatay sa natabo nga raid.
Suno sa PNP Negros Island Region nakilala na nila ang mga NPA nga nagpatay sa anay kagawad kag natalana sila nga kasuhan.
Nagpasalig ang PNP sa pamilya nga matagaan sang hustisya ang kamatayon sang ila nga himata.
Kahapon sang aga sang gintiro sang lalaki nga nagpakuno kuno nga naga pangita sang nadula nga karabaw ang biktima nga sang ulihi katapo gali sang rebelde nga grupo.
Narekober sa crime scene ang 10 tanan ka empty shells sang caliber .45 kag isa ka live ammunition.