Patay ang isa ka gina alegar lider sang New People’s Army sa enkwentro kahapon sang aga sa Barangay Trinidad sa Guihulngan City, Negros Oriental. Ang napatay amo si Victoriano Baldonado nga commanding officer sang Section Guerrilla Unit 3 sang Central Negros Front 1.
Nagluntad ang enkwentro sa bulig sang mga pumuluyo nga nag sugid angut sa kalakasan sang rebelde nga grupo sa lugar.
Naglab-ot sa lima ka minuto ang pag bayluhanay sang lupok sa tunga sang 62nd IB kag NPA. Nakuha man sa napatay nga si Baldonado ang iya sini M16 rifle upod ang tatlo ka magazine kag 42 ka bala.