Naturn over na sang army kag sang LGU sang Guihulngan ang bangkay sang gina alegar NPA leader nga si Victoriano Baldonado nga napatay sa enkwentro sa Barangay Trinidad sa Guihulngan sang Lunes.
Ang iya pamilya ang gin tagaan man sang ayuda sang otoridad. Lubos ang pag pasalamat sang pamilya suno sa army.
Gani suno kay Brigadier General Inocencio Pasaporte, commander sang 303rd Infantry Brigade, wala sang kamatuoran ang pahayag sang rebelde nga grupo nga wala sang may natabo nga enkwentro kag si Baldonado ang ginpatay sa atubang sang iya pamilya.
Lehitimo ang operasyon suno kay Pasaporte kag iya man ginsiling nga wala man sang kamatuoran nga ila gin red tag lang si Baldonado kay man may armas pa nga nakuha sa iya.
Indi man matuod nga may napatay sa bahin sang army bangud sa gina pahibalo man ini sang tropa sa publiko kun may napatay nga army sa enkwentro. Ini ang mga kabutigan lang sang NPA suno kay Pasaporte para makuha ang suporta sang mga pumuluyo.